Diàlogu
Sardu Italianu
Marta: Giorgia, tue abarras inoghe, beru? Gasi m'agiuas a aparitzare sa domo...
Giorgia: Pro nàrrere sa veridade deo puru oe tèngio cosa de fàghere...
Marta: E ite dias dèpere fàghere tue?
Giorgia: Apo promìtidu a Simona de l'acumpangiare a comporare unu bestireddu...
Marta: Ma deo so semper s'ùrtima a ischire su chi depides fàghere?
Giorgia: A sas oto però apo a èssere giai furriada, non timas...
Marta: A ue tenides intentzione de andare solas a comporare cosa?
Giorgia: Nos amus a fàghere una passigiada... dae inoghe su tretu no est meda finas a su tzentru!
Marta: Dage a cura colende sos semàforos... Sa gente est maca!
Giorgia: Eja... Mancari faghimus su giru mannu pro abbaidare sas vetrinas... si b'est calicuna benandada!
Marta: Si colades a suta de sos portigales giai b'at roba de abbaidare!
Giorgia: Mi penso ca amus a andare inoghe acanta... giai l'ischit Simona su logu!
Marta: La' de non intrare in carreras sena lughe o cun pagu gente...
Giorgia: No no, giai timo deo puru... Nos faghimus unu giru ebbia!
Marta: Cando fùrrio deo depes èssere giai in domo, cumprèndidu m'as?
Giorgia: Non nos amus a istentare... Non mi depo mancu comporare cosa, deo!
Marta: Giai chi ses andende, pro ite no abbàidas si agatas calicuna cositedda pro te puru?
Giorgia: Si acudimus... mancari m'apo a mesurare una pariga de iscarpas!
Marta: M'est partu de bìdere cosa bellighedda pro te inoghe acanta...
Giorgia: Fìamus chirchende una butega de roba de colore comente sa chi usant como!
Marta: Si fùrrias dae inoghe a manca, a s'àngulu bendent roba de pitzoca!
Giorgia: Ma cussu a ue amus leadu sa camisedda ruja? Non mi praghet...
Marta: T'isbàllias! Est roba de calidade cussa! Si m'ascurtaias una borta...
Giorgia: Roba de gente betza est cussa! Apo a andare cun Simona in una butega a prètzios bassos!
Marta: Ma ite ses narende, cussu magasinu a istracu baratu?
Giorgia: Non ti fidas nudda nudda de me tue! As a bènnere a bìdere ca mi còmporo cosa bellighedda!
Marta: Ammenta·ti·nde de no istentare, ca tenimus gente in domo!