Diàlogu
Sardu Italianu
Marta: Daniele! Ispero chi non depas fàghere cosa... Custu sero depimus chenare totu paris!
Daniele: Ite? So pro essire cun sos amigos meos... semper iscontzende giogos...
Marta: Depent bènnere a domo Pietro e Emilia! Tando chirca de furriare fache a ora de sas oto!
Giorgia: A ue depes andare ca tenes gasi presse?
Daniele: Depo andare a tzìnema cun Fabio e Claudio!
Marta: Tue sena de permissu no andas a logu! E chie bos nde torrat? La' ca tenimus gente in domo...
Daniele: Uff... mama, a potzo andare a tzìnema...? Como andat bene?
Giorgia: A tzìnema? E ba'?! E ite depides bìdere?
Daniele: No amus galu seberadu su filmi... Mi penso chi trasmitant unu filmi de gherra... prenu de faturas! B'at a èssere gente meda... Pro cussu mi depo mòvere!
Marta: Assora... ti lasso su dinari in sa sala? E non fùrries tardu!
Giorgia: No lu tenes su billete cun totu sos tìtulos? Ti lu naro deo ite abbaidare!
Daniele: Abbàida, de te non mi fido... mègius de no... a onni manera amus giai bidu sa publitzidade fintzas de unu chi faghet rìere!
Giorgia: Bos cussìgio de abbaidare unu filmi a tres dimensiones!
Daniele: Mh... gasi a Fabio li pigat dolore de conca!
Giorgia: Ca no... est beru ca tzacheddat unu pagu, ma bos ispassiades!
Daniele: Faghe a bìdere su billete... ite faghent in 3 D?
Giorgia: Mh... b'at custu, in sa sala duos... depet èssere bellu meda! Apo a andare chida chi benit a lu bìdere!
Daniele: Si praghet a tie depet èssere cosa durche... e difatis!
Giorgia: La', la', però bi nd'at un'àteru puru, in sa sala sete! Non mi praghet meda, però, a su nùmene...
Daniele: Ah, sisse, custu est bellu! Est filmi de fantasia! At bintu unu sacu mannu de prèmios!
Giorgia: Ma semper abbaidende simpridades seis boisàteros?
Daniele: Cantu at a bènnere su billete de su filmi in 3 D?
Giorgia: No l'isco bene bene... mi penso de prus de s'àteru!
Daniele: Tzessu... tando mi tocat a pedire àteru dinari a mama!