Diàlogu
Sardu Italianu
Luigi: Marta, non ti nd'ismèntighes ca cando agabbat sa coja depimus andare a votare!
Marta: Ite dannu! Ohi... mancu in die de festa tèngio pàsidu...
Gianni: Ite cosa de domìniga a mangianu?
Luigi: Oe e cras bi sunt sas eletziones e custu merie no acudimus a andare...
Marta: Isperemus chi non bi siat gente meda... gasi coitamus a torrare!
Luigi: Sa cosa mala est su segretàriu de sa setzione! Longu che s'annada mala!
Marta: Segundu me diant dèpere fàghere unu cursu pro imparare a sa gente comente si torrat a pinnigare s'ischeda!
Luigi: E mancari puru a ue tocat a l'imbucare! Sunt onni borta prus pibincos...
Gianni: La' ca depet èssere totu ispricadu in s'intrada...
Luigi: Ma sa gente non leghet e abarrat mesora in cue a intro sena de cumprèndere nudda!
Marta: Ti colat sa gana de andare a votare...
Luigi: Lu diant dèpere imparare in iscola comente si votat!
Marta: M'ant contadu ca s'ùrtima borta bi fiant fintzas ischedas meda sena sinnos...
Luigi: Est una manera de votare a intro de sas leges cussa puru!
Gianni: Iseta, ite boles nàrrere? Custa lege non m'ammentat... Como est dae meda chi non voto inoghe...
Luigi: Tue s'ischeda la podes sinnare o no o, sinuncas, podes seberare de non votare!
Marta: E non mi paret chi siat sa cosa mègius de fàghere...
Luigi: E difatis su votu t'ispetat de deretu ma est fintzas unu dovere!
Gianni: Nara, Luigi, e bella est istada custa borta sa campagna eletorale?
Luigi: Paret ca eja... cras a note at a èssere totu prus craru!
Gianni: Tenes resone, a coa sas detzisiones las pigamus nois cando andamus a votare!
Luigi: Su chi naro deo! A pustis, duncas, andamus paris... averte a sorre tua...
Marta: M'apo ismentigadu sa tèssera puru.. Depo torrare a andare a domo in antis!
Luigi: Non timas, ca giai nde las apo leadas deo! Sunt in màchina!
Gianni: Ah, tando tocat a andare, Marta! Non bi sunt iscusas!