Diàlogu
Sardu Italianu
Fabio: Mi paret ca est unu pagu tropu pagiosu però Antonio... giai no est su primu chi binchet una gara!
Daniele: Tenes resone! L'ischis ite contat babbu de cando fiat pitzocheddu issu?
Claudio: Ite contat? Curridore fiat?
Daniele: No, però andaiat a s'allenare cun sos amigos a su campu!
Fabio: E ite narat?
Daniele: Ca b'aiat unu pitzocheddu amigu suo, atacante in s'iscuadra de fùbalu, chi non mancaiat de leare sas botzas dae sos àteros!
Claudio: Cussa est sa manera de giogare! Cùrrere deretu e ... gol!
Fabio: Fintzas nois tenimus giogadores bonos! As a bènnere a bìdere ca custa borta binchimus su torneu!
Daniele: E contat ca fatu·fatu lompiat s'ispetore isportivu pro bìdere si bi fiat calicunu bonu meda in campu...
Claudio: M'est partu de nde bìdere inoghe puru... mi dia pràghere a giogare cun iscuadras mannas!
Fabio: Bae e chirca comente sèberant sos giogadores...
Daniele: ...E s'amigu de babbu, in tames, l'aiant pigadu pro giogare in àteras iscuadras prus ricas! Lu pagaiant puru mancari teniat degheoto annos!
Claudio: Pro ite l'aiant seberadu?
Daniele: Fiat su prus lestru e furaiat sa botza a s'inimigu sena l'abbaidare in cara! Sa calidade de su binchidore!
Fabio: E bae! Fiat gasi bonu?
Daniele: Sisse! Marcaiat in porta che unu dimòniu! Sena abbaidare a nemos! Deretu contra a totus!
Claudio: Tocat a giogare gasi si boles èssere famadu! E como ite est faghende s'amigu de babbu tuo? In ue giogat? Ite li narant?
Daniele: No at sighidu a giogare... Ca s'at truncadu unu ghenugru...
Fabio: No... ite làstima...
Daniele: Però, giai chi fiat su prus lestru at fatu su cursu pro fàghere s'àrbitru de su campionadu!
Claudio: Diat èssere istadu mègius a fàghere s'allenadore a sos pipios!
Daniele: Bella cosa cussa puru! Gasi lis imparat sas trampas pro bìnchere!
Fabio: Abilidade e fortza serbint, non trampas!