Diàlogu
Sardu Italianu
Fabio: Tenimus totu su mangianu pro fàghere sos còmpitos!
Claudio: Non t'as a bòlere pònnere como?
Daniele: Iseta, Fabio, semus gioghende a dama...
Fabio: Pone·la in mesu, gasi abbàido deo puru... chie est binchende?
Claudio: Cartas non nde tenes? Gasi giogamus in tres...
Daniele: Nosse... ascurta, faghimus una partida a tres tempos ebbia!
Claudio: Bene, una borta contra a tie e sa segunda contra a Fabio. S'ùrtima la lassamus pro ischitire si semus paris!
Fabio: Andat bene, però contra a Daniele ebbia, ca deo non so bonu meda meda a dama...
Claudio: Duncas... tue cale boles, sas biancas o sas nieddas?
Daniele: Dae·mi sas nieddas! S'àtera die m'ant portadu fortuna!
Fabio: Deo fatzo su giùighe de sa partida! Dais a cura a non piocare!
Claudio: Duncas... cumintzo deo? Faghe·mi pensare ite potzo giumpare...
Fabio: Dias pòdere papare s'ùrtimu a destra, no?
Daniele: Ma ti tzitis? Non fias su giùighe tue?
Claudio: Nono, non mi cumbenit... est mègius chi m'avantzo deo de traessu!
Daniele: Bene bene! Su chi fia isperende! Como chi m'as lassadu su logu bòidu nde potzo papare duas puru!
Claudio: No, iseta, ses isballiende! Sa règula no lu permitet! Fabio, si non ti tzitis nos faghes isballiare!
Daniele: Ite? Non chirches iscusas... pregontamus a Fabio... non ses su giùighe tue?
Fabio: Pro nàrrere sa veridade tenet resone Daniele...
Claudio: Non mi paret chi unu potzat giumpare dae una parte a s'àtera papende taulitas comente li paret e praghet!
Fabio: E difatis faghet si s'aversàriu las tenet de traessu ebbia e non deretas s'una cun s'àtera!
Claudio: Ascurtade, si est pro giogare cun custas règulas deo mi retiro...
Fabio: Eh... ma tue no ischis ammìtere sa derrota però...
Daniele: Cun tegus non si podet giogare...
Fabio: Forsis diat èssere mègius si nos ponimus a fàghere sos còmpitos, ite nde narades?