Diàlogu
Sardu Italianu
Giorgia: Ite bos nde paret si naramus de custu addòbiu pro agabbare?
Laura: Andat bene! Simona però como nos depet contare totu...
Simona: Deo non bi fia... apo intèndidu a babbu narende·lu a mama.
Laura: Tando sighimus a lèghere s'artìculu...
Simona: Mancari bos potzo contare su chi fiant narende...
Laura: Mh... si boles... sinuncas sigo a lèghere!
Giorgia: Iseta, però! Diat èssere prus bellu a iscrìere de s'esperièntzia!
Simona: Tzertu! E nde essit un'istùdiu in ue non mancat nudda!
Giorgia: Duncas, ite as intèndidu dae babbu tuo?
Simona: Ca bi fiat unu muntone de gente inchieta contra a su Sìndigu...
Giorgia: Ca bolet pònnere sas pàlias pro bentu?
Simona: Eja, e babbu fiat narende ca diant regòllere firmas de sos tzitadinos!
Giorgia: Pro fàghere ite?
Simona: Ohi... non m'ammento... at usadu unu faeddu istranu...
Laura: Su Referendum! Diant fàghere su referendum!
Simona: Eja, mi paret ca at naradu gasi!
Giorgia: E ite bolet nàrrere?
Simona: Deo non bi l'apo pregontadu ite bolet nàrrere... in cue cosa b'at iscritu?
Laura: Eja! La', b'est iscritu inoghe puru... chie non bolet sas pàlias fache a mare podet pregontare de su Comitadu pro s'ambiente!
Giorgia: E ite faghent issos? Si una deliberatzione detat un'òrdine ite podent fàghere?
Laura: Issos regollent sas firmas de sa gente pro difèndere sos deretos issoro!
Giorgia: E bae!? L'at a ischire sa gente ca podet leare una detzisione in custa manera?
Simona: A ùrtimu, duncas, detzidet sa gente etotu!
Giorgia: Custu mi paret unu bellu agabbu pro s'istùdiu!
Laura: Ite ses pensende de iscrìere?
Giorgia: Ca... sas risorsas energèticas lìmpias e seguras sunt medas ma tocat a nois e a sa voluntade nostra a seberare sa mègius!
Simona: E ca non tocat a non nos firmare pro detzisiones profetosas pro s'ambiente e su territòriu!
Laura: Bellu! Mi praghet! Tando l'iscrio gasi!
Simona: Bene! Como però nos pasamus!