Diàlogu
Sardu Italianu
Fabio: Nde so bènnidu deretu dae domo... non faghiat a essire in antis!
Daniele: E difatis est tardu puru... ma giai acudis a ti cambiare!
Claudio: E nde ses bènnidu a pee postu de bussa prena?
Fabio: Eja! Apo leadu totu dae domo! Apo ghetadu totu a intro... pitica sa cursa!
Claudio: Isperemus chi non ti sias ismentigadu nudda! Ca oe sa partida de allenamentu est importante!
Fabio: No no, giai tèngio totu... faghe a bìdere... cartzones... mìgias curtzas... no, no lu potzo crèere!
Daniele: Ite est? Ite as lassadu in domo?
Fabio: Sas iscarpas cun sos tachetes!
Claudio: Cando mai tue... non nde faghes una bona! Como comente faghes a giogare?
Daniele: Iseta... a ite ora cumintzat s'allenamentu?
Claudio: Mh... at a èssere intro de una mesora, non podes tzertu torrare a domo tua!
Daniele: Deo nde so bènnidu cun sas iscarpas de tennis e tèngio fintzas sas àteras... cantu càrtzias?
Fabio: De iscarpas de tennis at a èssere giai barantaduos...
Daniele: Mh... deo barantunu... t'ant a bènnere unu pagu istrintas ma pro oe ti depes acuntentare!
Claudio: Chirca de ti nde mòvere! Tenimus giustu giustu su tempus de nos fàghere una pariga de giros de campu in antis de cumintzare a giogare!
Daniele: Faghe a lestru cambiende·ti però...
Claudio: Fabio, as batidu sas repara-canneddas?
Fabio: Sisse! S'àtera die no las giughia e so lassinadu! So ancora pistadu!
Daniele: Est puru ca s'inimigu giai non t'abbàidat in cara cando furat sa botza! Giai iscudent pagu!
Claudio: Aporri... Meda las as pagadas? Su colore mi praghet... asulas cun custa tira groga a unu ladu...
Daniele: Su prètziu non m'ammentat... ma non ti naro cantu las apo chircadas! Bellas a no?
Fabio: Assimìgiant meda a sas mias de ratza... a un'àteru colore ebbia sunt!
Claudio: Tzertu ca si las aias comporadas in tinta cun sos cartzones de s'iscuadra fiat istadu mègius!