Diàlogu
Sardu Italianu
Marta: Daniele, m'as naradu ca tenes apuntamentu cun Fabio pro comporare unu regalu...
Daniele: Eja, ando a cussa parte! Nos bidimus a pustis!
Marta: Intro de tres cuartos de ora nos bidimus inoghe!
Giorgia: A cale parte de su supermercadu ant a bèndere sa cosa de papare pro gatos e canes?
Marta: Est inoghe in mesu etotu... prova a castiare mègius...
Giorgia: Deo non nd'agato... ite fatzo, lu pregonto a unu cummissu?
Cummissa: Bos serbit calicuna cosa? Comente bos potzo agiuare?
Giorgia: Mi ischit nàrrere a ue....?
Marta: Tzitu! Sisse, gràtzias... nos diat serbire una manu de agiudu...
Cummissa: Ite fiat chirchende? Custos sunt sos parastàgios de sa cosa de papare...
Giorgia: Potzo pigare unu boto de crema de tziculate?
Marta: No! Non semus bènnidas pro comporare isciollòrios!
Giorgia: Sunt nàschidos sos pisitos e...
Marta: Tzitu! Semus chirchende cosa de papare pro gatos chi non papant...
Giorgia: Como giai l'at cumprèndidu...
Cummissa: Bene, est a s'àtera parte de custu parastàgiu! S'agatat totu su chi si serbit!
Giorgia: Gràtzias meda!
Marta: Iseta Giorgia... iscusa·mi! Ti la potzo pregontare una cosa?
Cummissa: Cosa li mancat?
Marta: No, est ca mi paret de ti connòschere... gasi... a s'àera...
Cummissa: Podet èssere puru...
Marta: Como mi regordo! Luisa ses?!?
Cummissa: Eja, so deo... e tue ses... iscusa, ma non m'ammento...
Marta: So Marta! E issa est Giorgia, fìgia mia! Ti la regordas de s'ùrtima borta chi l'as bida?
Cummissa: Marta? Ite ispantu a ti torrare a bìdere! Giorgia?
Giorgia: Mh... praghere de ti connòschere!
Marta: Deo bèngio semper a comporare a inoghe... est istranu chi non t'aia bidu in antis de oe!
Cummissa: A nàrrere sa veridade no est dae meda chi traballo inoghe...
Marta: Difatis mi pariat... ite cosa? Non fias castiende a unu pipiu?
Cummissa: So faghende una pariga de chidas de prova.
Marta: As a bènnere a bìdere ca at a andare totu bene!
Cummissa: So pròpiu presada de t'àere bidu! T'agato bene a beru!