Diàlogu
Sardu Italianu
Giorgia: Sunt sonende a sa ghenna!
Marta: Depet èssere lòmpidu su dotore... non t'intendias male?
Giorgia: Como m'intendo bene però!
Marta: Mègius a nos fàghere a bìdere.
Dotore: Bonu merie, ite sutzedet oe?
Marta: M'iscuset, su dotore, si l'apo mutidu a custa ora... Est pro Giorgia, ca m'at telefonadu dae iscola e apo tìmidu!
Dotore: Como bidimus... ite at tentu?
Giorgia: Mi so intèndida pagu bene in iscola...
Dotore: Male comente? Faghe·mi a bìdere ca pigo sa bussa e ti mesuro su burtzu...
Marta: Ite paret?
Dotore: Mh... a pressione bassa est... papende ses?
Marta: Non meda! Torra a essire a mangianu sena de papare tue...
Giorgia: Mi nde so pesada debilitada oe... prus chi no àteru m'increschent sos ossos... cambas e costadu!
Dotore: Podet èssere chi apas pigadu fritura... Mustra·mi su gùturu!
Giorgia: Aaaaaaaaa
Dotore: Aberi bene sa buca... su gùturu t'increschet?
Giorgia: Non mi paret... mi increschent sos cocorrones...
Dotore: Mh... àrtzia sa camisa, ca intendimus sos purmones...
Giorgia: Gasi andat bene?
Dotore: Respira cun sa buca a bellu...
Giorgia: Est pighende·mi fritu!
Dotore: Prova a tussire... mi paret ca tenes unu pagu de rema ebbia...
Giorgia: M'intendia remediada dae eris merie...
Dotore: Non est nudda, debilesa e unu pagu de refriscu ebbia.
Marta: Ti nd'abarras in su callentu oe... As a àere pigadu fritura!
Giorgia: Nosse, depo essire a pustis!
Dotore: Ti fatzo sa retzeta, como... duncas, Marta...
Marta: Nara·mi! Ite depet leare?
Dotore: Apo iscritu duas dies de fumenta e de comporare unu ricostituente.
Marta: Gràtzias! As intèndidu su dotore? Custu sero ti nde podes iscarèssere s'essida...
Giorgia: Giai l'apo intèndidu. Bidemus a pustis...
Marta: Un'àtera borta ti nd'as a regordare de papare a mangianu e de ti bestire de prus.
Dotore: Adiosu!
Marta: In bonora!