Diàlogu
Sardu Italianu
Simona: Pro nàrrere sa veridade m'est giai capitadu de nde bìdere de parcos gasi!
Giorgia: A mie puru! So andada cun babbu a intèndere cantantes.
Simona: E non mi l'as naradu? Dia èssere bènnida deo puru!
Giorgia: Ma fiant antigos... non ti diant èssere pràghidos...
Simona: Deo so fintzas artziada!
Giorgia: E comente est dae in cue in pitzu?
Simona: Pitica s'emotzione! Non ti lu podes crèere!
Laura: Tropu gente però... e trèulu puru, non bos paret?
Simona: Cando apo a cantare deo! Benides a intèndere?
Laura: Tzertu! Non est mancu fortuna de totus a èssere amigas de cantadores o sonadores!
Simona: Como m'as regordadu una cosa... Custu note faghent unu cuntzertu in unu locale... a sas noe mi paret...
Giorgia: E tue comente l'ischis? Chie t'at cumbidada?
Simona: Sunt amigos meos chi tenent unu grupu! Sunt bonos meda e faghent giai sas iscolas superiores!
Giorgia: Depet èssere cussu cuntzertu chi fiat narende frade meu...
Laura: E si depet andare issu podimus fintzas andare nois puru, bi lu pregontas si nos acumpàngiat?
Giorgia: L'apo intèndidu narende cosa a unu cumpàngiu a s'essida de iscola... Mi penso chi depat essire cun sos cumpàngios! Giai bi l'apo a pregontare.
Laura: Ite mùsica sonant?
Simona: Mi paret chi siat pop!
Laura: Tando bèngio deo puru! Mi praghet tropu su pop!
Giorgia: Bae e chirca si mama m'at a fàghere essire a sola!
Laura: Si non benis tue mama non mi faghet bènnere...
Simona: Nos podimus cuncordare cun babbu meu pro nos acumpangiare! A issu giai li praghent sos cuntzertos!
Laura: Ite babbu modernu chi tenes tue!
Simona: Apo a pregontare bene in cale logu faghent su cuntzertu e bos lu fatzo a ischire.
Giorgia: Andat bene. Ite ora est?
Simona: At a èssere fache de ora de sas chimbe e mesu... Emmo!
Giorgia: Tzessu, deo depo furriare!
Laura: Deo puru! Si non rispeto s'ora non potzo torrare a essire!
Giorgia: Est arribende su postale!