Diàlogu
Sardu Italianu
Istràngiu: Iscuset, li potzo pedire un'informatzione?
Luigi: Iseta, ca acosto a s'oru de su caminu... nara!
Istràngiu: Mi so pèrdidu, mi l'ischit nàrrere cale est su caminu chi torrat a s'istatzione de sos trenos in prus pagu tempus?
Luigi: Dae inoghe no est a curtzu meda su tretu de caminu chi depes fàghere... A pee ses?
Istràngiu: Eja, so a pee, ma mi so pèrdidu calende in su caminu chi torrat a custu istradone...
Luigi: Non ti cumbenit a sighire dae inoghe...
Istràngiu: E dae ue mi cumbenit a colare, pro coitare?
Luigi: Depes torrare a coa de su ponte dae ue nde ses caladu.
Istràngiu: Ma in cue m'ant naradu de nde calare!
Luigi: Forsis fiat gente forana, chi non connoschet bene su logu!
Istràngiu: Vostè dae ue mi cussigiades a colare?
Luigi: Pone in mente a mie, ca so de inoghe: est sa bia prus curtza!
Istràngiu: Chi est gasi... nara·mi bene totu pro praghere, ca so in presse!
Luigi: Cando lompes a sa pratza manna la segas a manca, a ladu de sa crèsia.
Istràngiu: Non mi paret de àere bidu una bia a manca, calende...
Luigi: Fida·ti! B'at una ruga dereta e istrinta chi torrat a s'istatzione de sos trenos.
Istràngiu: E ite li narant a custa carrera? Si no l'agato pregonto.
Luigi: Su nùmene ufitziale no l'isco, ma tue pregonta de sa ruga dereta!
Istràngiu: Isperemus de l'agatare... ma s'inditu mi paret craru!
Luigi: Abarra seguru ca non b'at de si pèrdere!
Istràngiu: Mègius gasi, ca depo leare su trenu e so trighende puru...
Luigi: A ite ora lu tenes su trenu?
Istràngiu: Fache a ora de sas oto e mesu...
Luigi: Tenes unu cuartu de ora pro bi lòmpere, si ses de bonu passu as a lòmpere in antis puru!
Istràngiu: Tando, gràtzias, deo ando!
Luigi: Ammenta·ti ca cando lompes acanta de sa pratza manna b'est su sinniale de su trenu! Non ti podes pèrdere!
Istràngiu: Torra gràtzias! Adiosu!
Luigi: In bonora!