Diàlogu
Sardu Italianu
Gianni: As naradu sos faeddos giustos! Su chi contat est sa persone! Pensa ca traballat cun megus unu pitzocu indianu! E semus amigos meda puru!
Daniele: E cale deus pregat s'indianu?
Gianni: M'at contadu chi sos indianos tenet deos meda, no est comente su Cristianèsimu nen comente s'Islam!
Giorgia: Ah... custa cosa mi l'ammento... nos l'at narada su professore de religione...
Gianni: Ite? Bos ant ispricadu ite est s'Induismu?
Giorgia: No, fia narende ca nos at ispricadu ca sas religiones si sèberant in duas ratzas!
Gianni: Eja, cussas a unu deus e cussas a deos meda!
Daniele: E duncas s'amigu tuo tenet deos meda de pregare... A ratza de passèntzia!
Gianni: Issos pregant sa Natura, narant gràtzias a su chelu, a sos campos e sas bèstias!
Giorgia: Eja! E tenent fintzas sas bèstias sacras! Bacas sunt, beru? Mancu nde papant!
Luigi: Sos antigos puru, inoghe, teniant deos meda, l'ischis? Su mare, su bentu e sa terra! E non mancaiant de lis torrare gràtzias pro onni bene de deus!
Daniele: Est bellu però! E in ue pregant sos indianos? Non nde tenent crèsias?
Luigi: Prus chi una crèsia, tenent tèmpios! E ricos e bellos...
Gianni: Issu m'at naradu ca bortas meda sos indianos sunt fintzas buddistas!|
Daniele: No lis bastant totus cussos deos?
Giorgia: Ti la potzo pregontare una cosa? Como m'as postu curiosidade...
Gianni: Tzertu! Pregonta·mi totu su chi boles ischire!
Giorgia: Est beru ca cando morint non si faghent interrare?
Gianni: Eja, est beru! Cando morint los brùsiant e ghetant su chinisu in su riu!
Daniele: Ah... custu l'ischia deo puru! Pensant de torrare a nàschere in un'àteru animale!
Gianni: Sa fide issoro est cussa de tènnere una vida prus bella cando torrant a nàschere in un'àteru corpus! Li narant reincarnatzione!
Giorgia: Mh... non mi paret bera meda custa cosa...
Daniele: Deo dia pòdere torrare a bìvere in unu... colovru! Ite bos nde paret?
Giorgia: Figura·ti! Chie la diat bòlere s'ànima tua?