Diàlogu
Sardu Italianu
Giorgia: Nos podimus sètzere in dae in antis?
Marta: E ca eja, como però bastat crastulare...
Giorgia: Tante semus in foras! Sunt chistionende totus!
Marta: Cando intramus ammentade·bos·nde de bos tzitire! No est una rètzita!
Daniele: Eh eh... e a ite serbit a fàghere totu cussas iscenas, si podet ischire? Totus bestidos a festa...
Giorgia: Beru est ca sa coja in s'Islam est festa prus manna puru de cussa cristiana?
Gianni: Eja, est beru! A primu si faghet su cuntratu, a pustis b'est su ritu e a coa su cumbidu! Podet rechèdere dies meda puru!
Daniele: A ite at a serbire totu custa rètzita...
Marta: Rètzita? Sa gente est preghende, tocat a tènnere rispetu pro totus!
Gianni: A onni manera semus in crèsia! Ite dias bòlere fàghere?
Daniele: So giai arròschidu... ite si si nde ismèntigant de su chi depent torrare a nàrrere? Ahahah!
Marta: Tue no as cumprèndidu nudda... E chirca de tènnere rispetu pro su logu in ue ses.
Gianni: Mama tua tenet resone, l'ischis? Tene passèntzia e abarra chietu.
Marta: Non seis bonos mancu a cumprèndere su valore de sa coja!
Gianni: Ite dias fàghere si bivias in Amèrica?
Daniele: Pro ite, ite faghent in cue?
Gianni: Bi sunt acanta de pare crèsias de ogni ratza e logos pro pregare onni deus!
Daniele: E sa gente non narat nudda? Gasi però non diat andare bene meda...
Luigi: Comente? Fias narende cosa pro una cresiedda... Ite si bi nde fiant de ratzas meda acanta de pare?
Daniele: Si ognunu si ponet a pregare acanta de pare unu deus diferente... piticu su trèulu!
Luigi: T'isbàllias! Cussa est sa bellesa de sa sotziedade!
Gianni: Est beru! In Amèrica sa gente balet pro su chi est!
Luigi: Gasi diat dèpere èssere in totu su mundu! Non comente inoghe...
Daniele: Mh... custu misturiu chi ses narende no est chi mi pragat meda...
Gianni: Ant imparadu a istimare ogni ratza de religione e non sèberant sa gente pro sos deos o àteras fainas de nudda!
Luigi: Su rispetu de sas persones est s'ùnica religione de cussu logu!