Diàlogu
Sardu Italianu
Daniele: Mèrcuris coladu mi paret chi nos aiat fatu fàghere giai giai una deghina de giros de campu!
Fabio: E l'intendia a tzìrrios “curre, curre!”.
Daniele: Comente faghes a giogare in campu si non curres a lestru?
Fabio: Tenes resone, est ca custa borta non tèngio sùlidu... E sa pista noa pistat meda sos garrones currende... Tocat a tènnere iscarpas bonas pro cùrrere!
Daniele: Dae a cura, tando, ca cùrrere rechedet fortzas a cambas e coro! Si non ti afòrtigas t'as a furriare su burtzu de su pee!
Claudio: Cussu Antonio, imbetzes... ah... a issu su sùlidu giai no li mancat!
Daniele: Tocat a nàrrere, però, ca est de a beru lestru!
Fabio: Deo non mi lu dia crèere ca diat bìnchere issu sa cursa!
Daniele: Claudio est semper istadu prus lestru currende tretu pro tretu... A sa manera de s'isprint!
Claudio: No est pro cussu... Segundu me s'àtera borta ant leadu male sos tempos...
Fabio: Seguru ses? Fiant in duos sinnende a ladu de su campu!
Claudio: Eja! E no aiant mancu craridu bene bene sas règulas de sighire!
Daniele: Si est gasi pro ite non pregontas a s'allenadore de la torrare a fàghere sa gara?
Claudio: Tzertu ca l'amus a repìtere! E as a bìdere chie binchet s'àtera borta!
Daniele: Tando depes cumprèndere ebbia ite depes afortigare!
Fabio: At naradu ca s'àtera borta sa cursa at a èssere a duas maneras e a coa s'assumant sos puntos!
Daniele: Nos at a fàghere cùrrere s'isprint e sos chentu metros e leant sos puntos in onni gara? Bene!
Claudio: Tando, si non binco currende a lestru, potzo lòmpere primu currende tretu pro tretu!
Daniele: Uhm... Tzertu non tocat a èssere fortes comente pro cùrrere a lestru... ti firmas puru!
Fabio: Nosse, non ti lu creas! Rechedet purmones e sùlidu meda!
Claudio: Giai l'apo a bìnchere, non timas! E ispero chi sos àrbitros non siant cussos de s'àtera borta...
Fabio: Ca nono, de s'àrbitru ti podes fidare! Tenent carculadores e, a pustis, podent puru torrare a abbaidare sa cursa!