Diàlogu
Sardu Italianu
Marta: Daniele, la' ca est pro te! Chirca de ti nde mòvere!
Daniele: Ti l'aia naradu deo?
Marta: E non cuncordes cosa! Tue oe abarras in domo!
Daniele: Salude! So deo! Luca ses? Nara!
Luca: Assora, benis a sa festa? Apo comporadu totu!
Daniele: Sa gente a ite ora depet andare?
Luca: Apo naradu a sas noe, ma tue depes arribare in antis! E non ti s'iscaressas de mi batire sa mùsica chi as iscarrigadu!
Daniele: Pro nàrrere sa veridade... b'at unu problema...
Luca: Si non tenes passàgiu benit babbu a ti nde leare! A sas oto e mesu bene andat?
Daniele: No no, depia bènnere cun Fabio, est ca...
Luca: E duncas, ite tenes? Male t'intendes?
Daniele: Deo giai isto bene... babbu e mama m'ant chertadu pro cosa de iscola e mi narat s'idea ca non potzo prus bènnere...
Luca: No! Seguru ses? Prova a los cumbìnchere!
Daniele: E ite lis naro? Apo pigadu una nota custu mangianu...
Luca: E giai nd'ant fatu de trèulu! Ite diat dèpere nàrrere mama?
Daniele: Tue non connosches a mama mia... cando s'inchietat no est cosa!
Luca: Apo chistionadu como cun Claudio!
Daniele: Como lu muto e si faghet li naro a colare inoghe a nde leare sa pinna usb cun sa mùsica chi t'aia promìtidu.
Luca: Issu at a bènnere in antis chi lompat sa gente pro m'agiuare a aparitzare su logu!
Daniele: E ite totu ses cuncordende? Bos ais a ispassiare!
Luca: Depimus furriare sas mesas a una parte de s'aposentu e apicare lughes coloradas!
Daniele: Ballare puru depides?
Luca: Penso ca eja! Tempus nde tenimus!
Daniele: Làstima ca non ti potzo leare sa mùsica chi t'aia promìtidu... como giai chistiono cun Claudio!
Luca: E bae... prova a la chistionare a mama tua! Nara·li ca mi depes batire cosa...
Daniele: E ite? giai m'apo a fàghere contare totu dae Claudio e Fabio!
Luca: Mancari cosa de bufare o pratos de plàstica!
Daniele: Mi paret difìtzile... ispassiade·bos! La' est mutende!
Marta: Daniele! Galu chistionende in su telèfonu ses?
Daniele: So benende...