Diàlogu
Sardu Italianu
Laura: Mmmh... fia disigende pane cun sartitza! E custa ratza de picheta est modde e fragosa....
Simona: Non mi lu fatzas disigiare...
Giorgia: Ite bellu! Si pigat fintzas su fragu! Giai est bella sa crema de tziculate ma fintzas a nos intèndere cussu sabore salidu in buca...
Laura: Toca ca nos lu partzimus! Mi paret ca sunt torrende·ti sos sentidos!
Simona: Tando, si boisàteras papades sos gressinos, deo mi papo su gioddu... a nde bolides?
Laura: Nosse, como ti lu papas tue...
Giorgia: As bòlidu sa crema de tziculate tue...
Simona: Oih, oih...
Giorgia: Ite tenes tzirriende? Ca giai non ti lu furat nemos!
Simona: Oih, oih, su paninu de Làura! Abbaidade!
Laura: Ite? (isbentiende cun su mucadore)
Simona: La', bolende est! Nosse, abbàida a s'àtera parte! In mesu de sa sartitza!
Laura: In ue est? Non b'at nudda....
Simona: At a èssere bolada!
Giorgia: Tocade, papade a lestru ca sinuncas bos curret sa bespe!
Laura: Aha ha, ite est? Una furchiddada??
Simona: S'est carrigada a sa sartitza...
Giorgia: La', andada si nch'est! Como papa però!
Simona: Giai est prus lestra de me giumpende... ahahah
Laura: E si s'est cuada in mesu de sa sartitza? Deo non mi fido a lu papare...
Giorgia: Tue papa su paninu e non timas!
Simona: Tzertu ca ti curret su babbarotu, a fragu bellu est cussa sartitza!
Laura: Bos l'aia naradu deo ca fiat logu brutu custu...
Simona: Pro unu babbarotu.. cantas isciringas...
Laura: Oh oh
Giorgia: Ite tenes como?
Laura: Oh oh
Simona: La', su paninu de traessu t’est andadu... ahahah
Giorgia: Abbàida a chelu... ca giai ti colat!
Simona: Bidu as? Tue ti pigas fele e t'allupas!
Laura: Ohi, agiumai mi so allupada!
Simona: Si m'aias dadu su paninu in parte de su gioddu non ti fiat capitadu... ahah
Laura: Oih, giai timo pagu, apo pensadu a un'arangiolu e su paninu de traessu m’est andadu!
Giorgia: Como at a èssere mègius a isparitzare... ite narades?
Simona: Eja, ca nde lompet àtera cosa e oe si morit Làura! Ahahah