Diàlogu
Sardu Italianu
Simona: Canta ora tenimus pro abarrare paris? Tue, Giorgia, a ite ora depes furriare?
Giorgia: Pro sas chimbe e mesu depo èssere in domo ca at lòmpere su dotore...
Simona: Duncas tenimus una mesoredda bona?
Laura: Nos setzimus in cussa banca, ca b'at prus umbra?
Simona: Giai chi semus inoghe... podimus fintzas fàghere una cosa...
Giorgia: Ite ses pensende?
Simona: Como nos podimus cuncordare unu bellu pranzete cun sa cosa chi amus leadu dae mensa!
Giorgia: Pro cussu e tante a mie giai m'est abarrada fintzas cosa chi apo comporadu in iscola...
Laura: Deo su recatu lu tèngio, ma inoghe etotu bos bolides sètzere? No at a èssere brutu?
Simona: Eja, inoghe! Su tempus est bellu e bi sunt mesas e bancas!
Laura: Mancu male ca tèngio calicunu mucadoreddu... lu griso!
Giorgia: Ohi, giai as a èssere betiosa tue! Est petzi pro abarrare paris!!
Simona: Assora... boga sos mucadores! Apo lìchidu... la', ite bellu...
Laura: Ite si nde essit carchi babbarotu!?
Simona: Ma bae... abbàida! Una babbajola! Abbàida·la comente caminat maseda...
Giorgia: L'ischides ca portant fortuna?
Laura: Ite bellighedda... giaja mia cantaiat semper unu mutetu... lu connoschides?
Giorgia: Deo eja! Cussu chi narat «Babbajola, babbajola / piga su libru e bae a iscola / piga s'aneddu e bae a cojuare / babbajola impara a bolare»!
Simona: Ahahahah! Como setze·ti! Ca no est brutu!
Giorgia: Los ispargo in sa mesa etotu sos mucadoreddos!
Simona: Eja, ca gasi ponimus sa cosa de papare! E nos setzimus!
Giorgia: Cosa de bufare nde tenides?
Simona: Deo tenia una bìbita gasada!
Laura: Deo, pro oe, tèngio sutzu de pira.
Simona: Bellu! Pone·lu in mesu a sa tiàgia!
Giorgia: Deo mi nde so iscarèssida de pigare cosa de bufare...
Laura: Non timas, tèngio duas ampullas de sutzu!
Simona: Bene, gasi bi nd'at pro totus tres!
Laura: A ogni manera b'est sa funtana in cue si bos pigat sidis meda...