Diàlogu
Sardu Italianu
Professore: Intendimus... ite est capitadu?
Claudio: Cando nde semus torrados fuemus totu brusiados in conca, in sos coddos e bratzos!
Fabio: Non mi l'ammentes... sa pedde brusiende giughia!
Daniele: A pustis mi sunt essidas fintzas bulluncas!
Claudio: Giai nos est costada cussa essida!
Professore: E nàrrere ca si nche ant portadu a una gruta!
Claudio: Nois fuemus fintzas pregiados de andare, b'est su mare!
Daniele: Die bella fiat... ti nd'ammentas, o Claudio? Ma non nos ant fatu fàghere su bagnu...
Fabio: Vostè andadu est? B'at un'iscalinada chi non benit bene...
Professore: Eja, unu logu bellu de a beru!
Claudio: Si non fiat ca tocat a fàghere totu cussos iscaleris... prus de 600, non lompìamus prus...
Professore: Tantis cando lompes a bassu ddo'est friscu... Tzertu, diat èssere istadu mègius a andare in die de friscura!
Claudio: E difatis nos aiant avèrtidos puru a nde batire unu capeddu!
Professore: Tocat semper a si ddu giùghere cando si faghent caminadas longas in su sartu, e mancari fintzas un'ampulledda de abba!
Claudio: Nos amus pensados ca diat èssere istadu mègius a nos nde tirare su capeddu... e fintzas sa màllia ca fiat una bella die de sole!
Professore: Semper cuncordende cosa boisàteros, beru?
Claudio: Gasi nde diamus èssere torrados unu pagu pintados in sas trempas...
Daniele: Eh... su sole fiat bellu, nos pariat un'ocasione bona pro incumentzare a nos innieddigare...
Fabio: Non fuemus pensende a nos brusiare!
Professore: Boisàteros pitzocheddos non cumprendides cantu faghet male su primu sole...
Fabio: E difatis nos semus ispogiados bene bene! Semus abarrados a mànigas curtzas, però bi fiat tropu basca torrende a artziare conca a susu!
Claudio: Giai fuemus a frore... Nos la semus pigada pirodde pirodde artziende!
Professore: Est ca boisàteros faghides semper su chi bolides...
Daniele: Ca nono ... giai est istadu fadigosu pro totus...