Diàlogu
Sardu Italianu
Giorgia: Mama m'at naradu a mi pasare, ca giai mi passat...
Bidella: L'ischis ite podimus fàghere de bonu?
Giorgia: Ite?
Bidella: Iseta ca abbàido una cosa...
Giorgia: It'est chirchende?
Bidella: Su billete in ue est iscritu ite papades totu sa chida in sa mensa de iscola! Diat dèpere èssere inoghe...
Giorgia: Est in cue, apicadu in palas de sa ghenna.
Bidella: Ah... La'! Faghe·mi bìdere... lunis, martis, mèrcuris... ite die est oe?
Giorgia: Oe est chenàbura!
Bidella: Duncas... chenàbura...
Giorgia: Cosa bona b'at oe? Non tèngio fàmene pro nudda...
Bidella: Bi depet àere rosu e pische! E mancari unu pagheddu de birdura frisca!
Giorgia: Mi paret ca non tèngio gana de papare oe... si papo nde torro totu!
Bidella: Si non papas est peus puru, a l'ischis? Tenes bisòngiu de fortza! S'arrosu ti nde leat sa gana mala!
Giorgia: Gana mala mi pigat a s'idea de papare pische...
Bidella: Ma no est pische friscu cussu! Pagu sabore tenet ca est istocafissu, su fragu de su mare l'at pèrdidu dae meda.
Giorgia: Però unu pagheddu lu tenet etotu...
Bidella: E ite dias bòlere papare?
Giorgia: Mama m'at lassadu una pariga de bistocos custu mangianu...
Bidella: Est tropu pagu... e tropu durche puru! Cosa de bufare nde tenes?
Giorgia: Mi lu càmbiat unu billete cun dinari minudu?
Bidella: E ite ti nde faghes como de su dinari?
Giorgia: Como ando a mi comporare unu sutzu de frùtora e una brioche dae sas machineddas...
Bidella: Abarra in cue ca ando deo. Deo non cumprendo pro ite lassant manigiare dinari a sos pitzocheddos in custa manera... Ite cheres de sutzu: pira, pèssighe o barracoco?
Giorgia: Pèssighe pro praghere.
Bidella: Cussos impiastros... giai bos agradant prus de su pische!
Giorgia: A pustis giai apo a papare s'arrosu puru...
Bidella: Apo a torrare luego! Tue abarra chieta e non ti movas. Non bògio chi sa Professoressa mi nàrgiat cosa!
Giorgia: Eja, eja..., gràtzias medas.