Diàlogu
Sardu Italianu
Luigi: In su bidru de sa màchina bi fiat custa! Ite diàulu est?
Vìgile Urbanu: Est una contraventzione!
Luigi: So seguru ca vostè s'est isballiadu...
Vìgile: Nissunu isbàlliu, est una contraventzione!
Luigi: Chi fiat una contraventzione l'aia bidu... e pro ite mi l'at posta? Si podet ischire?
Vìgile: Dias bòlere cuntestare su vìgile?
Luigi: Dia bòlere isceti ischire pro ite mi l'at posta.
Vìgile: Ca as lassadu sa màchina in logu riservadu!
Luigi: A mie non mi paret...
Vìgile: Ah nono? Càstia in ue est: non bides nudda?
Luigi: Mah... non bi sunt sas istrìscias particulares in terra e duncas potzo abarrare inoghe.
Vìgile: Est beru, ma inoghe no est custa sa chistione...
Luigi: No apo mancu bidu sas istrìscias grogas in terra... e mancu su signale cun s'òmine postu de pàlias!
Vìgile: Tzertu, non sunt faghende traballos!
Luigi: Assora, si podet ischire sa resone de custa contraventzione?
Vìgile: Est unu parchègiu riservadu. Si donas a cura, in cue a palas ddoe est unu signale a retàngulu e istantàrgiu, càstia·lu! Balet semper su signale verticale.
Luigi: Signale lu narat? Est cuadu in mesu de una mata!
Vìgile: Non s'inchietet cun megus...
Luigi: Cun chie mi depo inchietare? Cun chie m'at postu sa contraventzione!
Vìgile: Nono, ca non tocat a mie a pudare sas matas!
Luigi: Ma semper fainas de su Comunu sunt! Ite ratza de iscusa pro pònnere contraventziones! Paret chi lu faghent aposta!
Vìgile: Mancari, un'àtera borta, pro seguresa chirchet su sinnale chi donat garantzia de si pòdere firmare.
Luigi: Inoghe acanta non b'est mai parchègiu...
Vìgile: Eja, ca giai l'agatas...
Luigi: Tantis pro oe l'apo fata sa giorronada!
Vìgile: Calende dae cue, pro nàrrere, si bidet s'indicatzione pro su parchègiu!
Luigi: Mi l'apo a ammentare un'àtera borta!
Vìgile: Ammenta·ti·nde: una lìtera “P” manna, bianca e a sola!
Luigi: Lu connosco su signale! Giai l'apo fata bella!